Fyrirhugað er umfangsmikið sjókvíaeldi
á norskum laxi á Eyjafirði, rétt norðan Hörgárósa 1. Þar á að setja í kvíar 2,4 milljónir laxaseiða af norskum
stofni og ala í tvö og hálft ár. Af þessum 2,4 milljónum laxa má reikna
með að 2.400 sleppi árlega og syndi í nær- og fjærliggjandi ár. Til samanburðar
var meðalveiðin á laxi í Fnjóska síðustu 10 árin tæpir 500 laxar.
Svæðið sem um ræðir er 3 km langt og
1,2 km breitt, eða um 3,5 ferkílómetrar, það eru rúm 5% af flatar-máli
Eyjafjarðar frá Hjalteyri að ósi Eyjafjarðarár. Það er svæði á stærð við Pollinn frá Leirubrú
og norður í slipp. Frá fyrirhugaðri
staðsetningu eru aðeins 2 km að ósi Hörgár, 6 km að Fnjóská og 15 km að
Eyjafjarðará.
