Vatnsmikið veiðisumar..?

Vatnsmagn í veiðiám er ein af stóru breytunum í veiðinni.  Það er ýmist of eða van og breytileiki milli ára getur verið ótrúlega mikill.  Snjómagn í upphafi sumars er forðabúrið og ræður miklu um framvinduna.  Hitastig og úrkoma ráða einnig miklu - enda bráðnar snjór víst ekki í kulda og rigning hefur yfirleitt bein áhrif á vatnsmagn.
Ekki man ég hvernig vatnabúskapurinn 2014 var sv-lands en hér nyrðra var leysing fram í ágúst. Það bitnaði á veiðinni.
Til að spá fyrir um vatnasumarið 2015 náði ég mér í kort sem sýnir mismun á snjómagni í byrjun maí á milli áranna 2015 og 2014.

Umfang og áhrif fyrirhugaðs sjókvíaeldis á norskum laxi á Eyjafirði

Fyrirhugað er umfangsmikið sjókvíaeldi á norskum laxi á Eyjafirði, rétt norðan Hörgárósa ¹.  Þar á að setja í kvíar 2,4 milljónir laxaseiða af norskum stofni og ala í tvö og hálft ár.  Af þessum 2,4 milljónum laxa má reikna með að 2.400 sleppi árlega og syndi í nær- og fjærliggjandi ár. Til samanburðar var meðalveiðin á laxi í Fnjóska síðustu 10 árin tæpir 500 laxar.

Svæðið sem um ræðir er 3 km langt og 1,2 km breitt, eða um 3,5 ferkílómetrar, það eru rúm 5% af flatar-máli Eyjafjarðar frá Hjalteyri að ósi Eyjafjarðarár.  Það er svæði á stærð við Pollinn frá Leirubrú og norður í slipp.  Frá fyrirhugaðri staðsetningu eru aðeins 2 km að ósi Hörgár, 6 km að Fnjóská og 15 km að Eyjafjarðará.   

Dauður fiskur hrygnir ekki...:)

Nálgun okkar á stangveiðar breytist hratt, sem betur fer, því stöðugt eykst veiðiálagið.  Hófsöm nýting, fiskur á grillið en ekki í frystinn og veiða&sleppa þar sem það sem við er sennilega það koma skal.  
Hér er fínt myndband frá Kanada um hvernig framkvæma á veiða&sleppa.

Veiðitölur fyrir nerði...gagnvirk grafík

Síðustu árin hefur rafræn veiðibók verið í þróun hjá okkur Ingvari Karli, í samstarfi við SVAK, Flúðir og veiðifélög Hörgár og Svarfaðardalsár.   Ég held verkefnið hafi gengið alveg ágætlega og flestir séu nokkuð sáttir.  Nú er komið að því að okkur langar að bjóða uppá gagnvirka grafíska framsetningu gagnanna - hér neðar má sjá eitt dæmi um hvernig slíkt gæti litið út.  Það væri gaman að frétta af því hvernig fólki gengur að fikta í þessu - og/eða fá hugmyndir um fleiri fídusa sem menn vilja sjá.
Endilega sendið mér línu eða setjið skilaboð hér fyrir neðan.

Laxeldi í sjó #3

Ég hef heyrt fiskeldismenn segja að lax sleppi ekki úr kvíum:)
Samt sluppu alltað 700.000 laxar þegar óveðrið Berit gekk yfir Noreg haustið 2011 (sjá hér).

Og hvað með það þótt lax sleppi úr kvíum?

Eldisfiskur eru erfðafræðilega frábrugðnir þeim villta.
Annar landfræðilegur uppruni, minni erfðabreytileiki, óbeint eða beint val og genaflökt.
Eldisfiskur og villtur fiskur geta samt átt afkvæmi saman!
1/3 laxfiska sem ganga upp í ár í Noregi er eldisfiskur.    Sumstaðar er hlutfallið 80%.
Villtir stofnar útdauðir í 27% áa í heiminum.  Í útrýmingarhættu í mörgum öðrum ám.

Villtir stofnar á Íslandi standa þokkalega - viljum við sjá sömu þróun á Íslandi?

Laxeldi í sjó #2

Það er sorglegt að horfa uppá hversu gagnrýnilausa umfjöllun hugmyndir um laxeldi fá í íslenskum fjölmiðlum.  Kranablaðamaðurinn Kristján Már Unnarsson fer þar fremstur í flokki - þessi grímulausa áróðursklippa er gott dæmi um afar lélega fréttamennsku.   Þar segir fiskeldismógull að reglur um fiskeldi á Íslandi séu fráhrindandi og kvartar:
"þeir sem skrifuðu þessar reglur hafa alla vega ekki spurt okkur í Noregi hvernig ætti að gera það.."
Já - oki... - skoðum aðeins hvaða reglur gilda á Íslandi.  Og svo má skoða leyfið hans hér - sem er hérumbil skilmálalaust...

Laxeldi í sjó #1

Fróðleg umfjöllun um áhrifum sjókvíeldis á villta stofna og feluleik hagsmunaaðila

Glerá

Sendi inn 4 umsóknir í Fiskiræktarsjóð - ein þeirrra var vegna fiskiræktar í Glerá.  Það á sér forsögu;   Í  lok árs 2011, óskaði SVAK eftir viðræðum við Akureyrarbæ vegna Glerár. Hugmyndin var að SVAK tæki við umsjá árinnar og ræktaði upp í henni fiskistofn - með einum eða öðrum hætti.  Vel var tekið í erindið en ekki afgreitt og er enn í bið. Jafnframt var sótt var leyfi Fiskistofu til fiskiræktar í ánni og fengust þau leyfi, þó með fyrirvara um að veiðifélag Glerár staðfesti áætlunina.   Og nú stendur á því - Akureyrarbær og Norðurorka eiga Glerá og þyrftu að stofna veiðifélag sem staðfest gæti fyrirkomulagið.

Vísindaþing landbúnaðarins 2013

Vísindaþing landbúnaðarins, sem áður hét Fræðaþing landbúnaðarins, verður haldið þann 6. mars nk.  Jafnan eru nokkrir áhugaverðir fyrirlestrar þar um ferskvatnsfiska.  Nú verða þar nokkrir undir liðnum Áhrif loftslagsbreytinga á umhverfi, lífríki og ræktun; hvað hefur gerst og hvað getur gerst: 

13:00    Vatnavistkerfi í hlýnandi loftslagi — Jón S. Ólafsson,  Gísli M. Gíslason,  ofl..
13:20    Eru breytingar á stofnstærðum bleikju og urriða af völdum loftslagsbreytinga — Guðni Guðbergsson
13:40    Sjóbleikja á vatnasviði Hvítár í Borgarfirði – Stofnstærð og göngur — Ingi Rúnar og Sigurður Már
14:00    Nýjar fisktegundir í ferskvatnsfánu Íslands — Magnús Jóhannsson og Benóný Jónsson
Hér má svo lesa nánar um þingið   

Ég hef hinsvegar aldrei skilið afhverju ferskvatnsfiskar eru með landbúnaði í flokkunarfræði stofnana. Hefði haldið að ferskvatnsfiskar ættu meira sameiginlegt með frændum sínum í sjó en trjám og rollum....!   En sú vitleysa á sér langa sögu sem smátt og smátt er undið ofan af.

Magafylli laxa og Vorflugupúpur

Aldrei hafa mér þótt myndir af fiski á aðgerðaborði vera smekklegar, en set þó eina slika inn.   Fyrir því eru sérstakar ástæður,  því fiskurinn reyndist einstakur og ýmislegt kom á óvart við aðgerðina...
Þannig er að seinni hlutinn af júli er frábær tími í bleikjunni hér í firðinum - þar sem formúlan er gott veður, fallandi vatn, nýgenginn bleikja, uppstrím fimman í hendi og Pheasant Tail á taumnum.
Einfaldlega ávísun á hamingju.  Þótt ég sé ekkert sérstaklega fiskinn rek ég stundum í fisk og jafnvel hirði ég einn til að hafa með heim á grillið - eða tvo.

Laxadeilan mikla?

Fiskistofa hefur tekið saman tölur um lax sem meðafla á flotvörpuveiðum árin 2010-2012
Þar kemur fram að lax er stundum meðafli en magnið er tiltölulega lítið (0-6 laxar/tonnafla) og afar breytilegt á milli ára.  Miðað við 3 laxa á hver veidd þúsund tonn og veiðina í flotvörpu síðustu 20 árin, hefur fjöldi laxa verið 1.000-3.000. og miðað við 6 fiska í tonninu þá gæti heildarmagn á laxi sem kemur í flottroll á ári farið í allt að 6.000 fiskar.
Það munar nú um minna... .
Athygli vekur hver uppruni laxins er - en hann virðist að mestu leyti vera norskur og írskur.

Svavar Hávarðsson skrifaði fína úttekt á þessu í fréttablaðið í den..

Laxveiðin og Fnjóská

Þetta sumarið er veiði í flestum laxveiðiám með lakara móti.
það voraði snemma, a.m.k. hér nyrðra, laxinn mætti snemma og allt leit afskaplega vel út.  Framan af sumri var því veiðin í góðu meðallagi, en þá dundu ósköpin yfir.  Smálaxinn skilaði sér ekki......
Í Fnjóská hafa síðustu 4 vikur verið þær lökustu en sæmbærilegar vikur frá og með 2006.