Hvalvatns-Fjarðará

SVAK og félögin eru með árkynningu í kvöld (mánudagkvöld 22.04.2013) -
Hvalvatns-Fjarðará verður í brennildeplinum.  Ég hef komið þarna - það er alger upplifun.  Áin er klassísk jökulskotin dragá, þar sem jökullitar getur gætt allt fram á haust.  Veiðin þarna virðist vera ýmist í ökkla eða eyra.  Það er sko alveg þess virði að skella sér einn túr þarna úteftir.  Hér neðar set ég inn veiðitölur, kynningarmyndband og nokkrar myndir.

Hofsá í Lýtó

Í kvöld ætlar Ármann að spjalla um Hofsá í Lýtó á vetrarstarfi veiðimanna.  SVAK tók ánna á leigu 2008 og á hún orðið marga aðdáendur, enda alger perla í afdal.  Breytileiki í veiðivon og aðstæðum til veiða háir ánni hinsvegar, því stundum gerir jökulskotið úr Fossánni svæðið óveiðandi.  Og veiðin er eftir þvi, ýmist í ökkla eða eyra...
Á sínum tíma eyddi SVAK nokkru púðri í að gera sumarhús við Litluhlíð að notalegum gistikosti, steyptur var upp heitur pottur, smiðaður pallur, ofl.  Síðan þá hafa Marta og Addi snurfusað svæðið í kring.  Nú er þetta orðið virkilega notalegt að koma þarna - eiginlega alger fjölskylduparadís.  Fór þarna í fyrra með familjunna - það var dásamalegt og nutu sín allir.

Tökuvarar #1

Hún er eilíf leitin að tökuvaranum eina og sanna.  Marga hefur maður prófað með misjöfnum árangri. Sumir tolla ekki nógu vel á sínum stað, aðrir sjást ekki nógu vel, einhverjir eru of þungir í kastinu og aðrir sökkva.  Rakst á einn enn  - ættaðan frá Nýja Sjálandi.  Úr Nýsjálenzkri ull, en ull er svosem ekki nýjung, heldur er það aðferðin og græjan sem setur hann á sinn stað sem er nýjungin:  NEW ZEALAND Strike Indicator Tool 
Já, auðvitað panta ég mér einn svona og segi svo fréttir af reynslunni....

Af vetrarsumrum og veiðum

Fín veðurspá fyrir mánudaginn, hiti um allt land yfir frostmarki og víða við ströndina um 10°C.  Vafalaust langar marga að fara til veiða, sumstaðar leyfa bændur slíkt og hefur maður heyrt fréttir af fínum skotum hér og hvar, bæði í urriða og bleikju. Það fylgir yfirleitt sögunni að hluti fiskjarins hafi verið vel haldinn en annar hluti grindhoraður.  Væntanlega er þá annarsvegar um að ræða geldfisk, sem notar allt æti til vaxtar og hinsvegar um að ræða hrygningarfisk sem notar stærstan hluta ætisins til þroskunar á kynkirtlum (svil og hrogn).  Ef reynt er að fá upp...

Magafylli laxa og Vorflugupúpur

Aldrei hafa mér þótt myndir af fiski á aðgerðaborði vera smekklegar, en set þó eina slika inn.   Fyrir því eru sérstakar ástæður,  því fiskurinn reyndist einstakur og ýmislegt kom á óvart við aðgerðina...
Þannig er að seinni hlutinn af júli er frábær tími í bleikjunni hér í firðinum - þar sem formúlan er gott veður, fallandi vatn, nýgenginn bleikja, uppstrím fimman í hendi og Pheasant Tail á taumnum.
Einfaldlega ávísun á hamingju.  Þótt ég sé ekkert sérstaklega fiskinn rek ég stundum í fisk og jafnvel hirði ég einn til að hafa með heim á grillið - eða tvo.

Vetrarstarf veiðimanna - Bleikjan....

Var með erindi hjá stangveiðifélögunum í kvöld - um bleikju.  Fin mæting og góðar umræður - takk kærlega fyrir komuna.  Einhverjir höfðu á orði að þeir hefðu ekki séð nógu vel glærunar - hér eru þær allar....

MS-inngangur

umþaðbileinhvernveginnsvona gæti inngangurinn í ritgerðinni minni litið út..

Lax- og silungur hefur verið nytjaður hér á landi frá landnámi, fyrst sem matarkista en síðustu áratugi sem stangveiðisport.  Óhætt er að flokka þessa fiskistofna sem verulega verðmæta náttúruauðlind enda voru bein, óbein og afleidd áhrif stangveiða á laxi og silungi á þjóðarbúið metin árið 2004 á allt að 9 milljarða (Hagfræðistofnun Háskóla Íslands, 2004) og aftur árið 2009 á 15 milljarða (Sigurbergur Steinsson, 2010). 

Ólafsfjarðará

Í tilefni þess að Raggi Hólm var með kynningu á Ólafsfjarðará og að SVAK opnaði á sölu leyfa í ánna, tók ég saman smá tölfræði um veiðina í Óló...

Það er svosem fátt sem kemur mér á óvart í þeirri samantekt.  Besta veiðin er frá opnun og fram í miðjan ágúst - og reyndar mesta sóknin.
Veiðin í ánni hefur heldur verið á niðurleið síðustu árin,  þó kom athyglisverður kippur í veiðina í september 2011.  Reyndar má segja að septemberdagarnir séu vanmetnir í ánni - nánast ekkert selst af þeim,  þó eru þeir hræódýrir og yfirleitt gefa þessir fáu dagar sem þó eru nýttir nokkra veiði.  En tölfræðina má sjá hérneðar..

Innrás urriðans

Eyjafjarðará blómstrar sem sjóbirtingsá enda veiddust 620 urriðar eða sjóbirtingar þar í sumar.  Sá stærsti var 6,5 kg og 82 cm , fjölmargir voru á bilinu 2-4 kg.  Þetta er langbesta urriðaveiði í skráðri sögu árinnar.
Hinsvegar fækkar bleikjunni enn og veiddust innan við 500 bleikjur í sumar.
Hér neðar setti ég nokkur gröf með veiðitölum sumarsins - athugið að um bráðabirgðatölur er að ræða.
Myndirnar tala...

Sælir eru silungsveiðimenn...

8 pund 66cm, tòk à maðk rètt fyrir ofan svæðamót à 1 og 2 í Hörgá veiðimaður er Haukur Már Hergeirsson

Því þeir þurfa ekki lax að veiða:)
Ég er nógu mikill veiðinörd til þess að taka saman silungsveiðitölur úr nærumhverfi mínu, endrum og eins.   Þarna eru á ferðinni mun jákvæðari tölur en heyrast úr laxaheiminum....

Laxveiðin og Fnjóská

Þetta sumarið er veiði í flestum laxveiðiám með lakara móti.
það voraði snemma, a.m.k. hér nyrðra, laxinn mætti snemma og allt leit afskaplega vel út.  Framan af sumri var því veiðin í góðu meðallagi, en þá dundu ósköpin yfir.  Smálaxinn skilaði sér ekki......
Í Fnjóská hafa síðustu 4 vikur verið þær lökustu en sæmbærilegar vikur frá og með 2006.

Veiðiskólinn

Síðasta vika veiðiskólans fer nú í hönd.  Þátttakan er talsvert minni en í fyrra, hvað veldur?  Kannski er markaður mettaður og allir fullnuma... ég held varla.  Kannski vantaði einn frægan í kennararhópinn, PG var auglýstur sérstaklega í fyrra og sópaði að sér fólki.  Kannski hefði þurft að auglýsa betur eða öðruvísi, helsti munurinn er að í fyrra fengum við umfjöllum í sjónvarpi allra landsmanna - n4.is.  eníveis, eftir þessa viku verður hlé á skólanum og svo bjóðum við aftur uppá námskeiði í lok ágúst og byrjun september.  Hérna má lesa um veiðiskólann og hér neðar eru nokkrar myndir...

Héðinsfjörðurinn

er aðgengilegri eftir að göngin komu. Margir telja að áin verði ofveidd, aukin sókn og aukin veiðiþjófnaður.  Ég held þvert á móti að nú verði betur tekið á málum þarna.  Ógnin er og verður veiðiþjófnaður í sjónum;  sá, þessi og hinn virðist líta á það sem köllun sína að veiða lax og silung í net í sjó...

Allt um það, Héðinsfjörðurinn er fallegur, áin er nett, 2-3 m3 og nokkuð skemmtileg veiðiá, hentar ágætlega fyrir flotlínu og #3-#5.  Oft veiðist ágætlega þarna og bleikjan er nokkuð væn, eða í kringum um 45 cm að jafnaði.   

2012_10_FnjóskáV

Snemma á fimmtudagsmorgni, enn einn blíðviðrisdagurinn að renna upp, ég á leiðinni á upphaldsveiðisvæðið mitt í öllum heiminum.  Fjörðurinn friðsamur og fagur, blár útí buskann, undir Vaðlaheiðinni dimmur og dullarfullur,  Kaldbakurinn skemmtilega fannhvítur og fjarlægur...semsagt allt er æðislegt og frábært.

2012_9 Eyjafjarðará sv3

Kikkaði á svæði 3 í Eyjafjarðará part úr kvöldvakt. Fór á tvo staði, fyrst á nýju breiðuna fyrir neðan Nesbreiðu, varð ekkert var.  Fór svo á Helgastaðabreiðuna, sem er einn alfallegasti veiðistaðurinn í firðinum.  Myndin af staðnum er ekki er ekki alveg nógu góð.  Náði í eina bleikju 45 cm og einn urriða 38 cm.  Setti í fleiri fiska þarna, en náði þeim ekki á land.  Ég held að það sé alltaf fiskur þarna...

2012_8 Hólsá

Brá mér í ósinn á Hólsánni órskamma stund.  Aðallega til að prófa nýju myndavélina mína, en auðvitað vonaðist ég samt eftir fiski.  Heldur snemmt en maður veit samt aldrei.  Reyndar hefur mér ekki gengið sérstaklega vel í ósnum - og á því varð ekki breyting.  Hólsáin heitir líka Fjarðará, líkt og 50 aðrar ár sem í fjarðarbotnum eru.  Á síðunni snokur.is er búið að taka örnefni í Siglufirði, meðal annars á nokkrum veiðistöðum í ánni.

2012_7 Jurassic Lake

Í heilt ár hef ég hlustað á öfgaveiðisögur félaganna af Jurassic Lake.  Vænar bleikjur í massavís, ofurtökuglaðar,  kryddað með risaurriðum.  Hljómar frekar draumkennt - en þegar ég fór að sjá myndir af veiðinni fór ég að leggja við hlustir. Renndi svo austur í liðinni viku og kíkkaði á málið.  Jurrassic Lake er Skjálftavatn í Kelduhverfi sem Litla rennur úr.  Vatnið er á gosbeltinu á miðjum atlantshafshryggnum, sama beltið og t.d. Þingvallavatn liggur á.  Vatnið myndaðist í sjálftahrinu á 8. áratugnum við landsig, en var uppgræðslusandur landgræðslunnar.

2012_05_Fnjóská

Kíkkaði í Fnjóská í dag, áin var í c.a. 60m3, sumir staðir ekki spennandi, en aðrir þeim mun laglegri.
   Fór á svæði 4 fyrir hádegi, byrjaði í Lygnu, heldur mikið vatn þar, svo á Lækjarbreiðu sem var mjög lagleg í þessu vatni - klárlega gæti bleikja lagst þar, amk biðu þar tveir bleikjuhængar sem nenntu ekki til sjávar þetta árið og létu glépjast af bleikum nobbler.  Fór svo í Systrahvamm, veiddi bara fyrir ofan brú.    Mér leiðist sá staður  -stundum er kaffið gott í sjoppunni:).  Endaði svo í Nesbugðunni, sem lúkkaði alveg frábærlega niður undir girðingu, seiðin í tjörninni lágu alveg við útfallið - sá samt ekki hvort þau voru að smolta.