Ársfundur Veiðimálastofnunar er í dag. Í ársskýrslunni metur Sigurður forstjóri veltu stangveiða á 20 milljarða, þar af renni til veiðiréttarhafa á annan milljarð. Þetta hefur mér vitanlega ekki verið reiknað út síðan 2004 - tölur forstjórans eru því sennilega framreikningur miðað við verðlagsbreytingar. Gríðarmargt hefur breytzt síðan 2004 - mikil aukning hefur verið í silungssókn, innlendinga og útlendinga og verð veiðileyfa hefur hækkað langt umfram verðlagsþróun. Kæmi mér ekki á óvart þótt virðisaukningin hefði verið langt umfram verðlagsþróun. Það er full ástæða til að taka svona skýrslu saman aftur.
Sigurður segir einnig: "Nýting veiðihlunninda er því ein af stærstu búgreinum landsins og afar mikilvæg fyrir búsetu víða í sveitum landsins" ..
Ég held að búsetufullyrðingin sé ofmetin.
Eignarhald á jörðum með veiðirétti, færist frá bændum til frístundafólks. Þjónustan í kringum veiðina er í sífellt minna mæli búsetutengd, leiðsögn og veiðihúsarekstur er hálfgerður vertíðarbransi sem keyrir á farandvinnuafli, markaðstarf og sala fer fram á netinu eða í gegnum síma.
Hér er nokkrar heimildir um málið- lesið og metið sjálf:
Skýrsla Hagfræðistofnunar HÍ - frá 2004
Stangaveiðimarkaðurinn á Íslandi - nemendaverkefni frá 2009
Um daginn var ég með smápælingar um Veiðimálastofnun - sá ársskýrslunni að stofnunin er komin á réttan stað - til umhverfis- og auðlindaráðuneytis.
